Del Nora Oriella

Fruncio´l ceñu

Y miró p´enrriba.

So pá ya nun taría más

Y nun lu baxó.

Nun se dexo abrazar

nin besar.

Nun quería paños calientes

Nun tenía los diez años,

pero nun se dexó engañar:

Había pasáu

lo qu´había pasáu,

y nun había guelta atrás.

De la muerte nun se guelve.

Y foi ver a los sos güelos.

yera fiesta,

la que-y gustaba´l so pá

So ma y la so hermana fueren

Pero él non

Acostóse na cama

na que so pá durmía.

Y frunció´l ceñu.

Y nun salió.

Y oyó la tele,

que los sos güelos prendieren,

pa non oyir nin la música

nin el xolgoriu la cai.

Ya esperó a la so ma

ya la so hermana

pa golver al so pueblu

pa finar aquel tormentu

l´alcordanza´l so pá,

los dies felices xuntos

Yera´l so pá

y yá nun taba.

Y naide paicía entendélo.

Enquivocábase:

Peru nun yera capaz de velo

Cuando yera un guah.e,

queria escribir,

denunciar la inxusticia,

onde quiera qu´ella tuviera.

Anque morriera de fameS

 

Tamién quería vivir l´amor.

entregáme enteru,

ensin pedir na.

  

Nun tenía mieu al fracasu,

nin a la incomprensión,

nin al desarraigu,

nin a les penes del amorS

Queria ser llibre como´l vientu.

 

Y escribi y lluche,

contra la inxusticia,

y pola llibertá.

Y fui llibre.

 

Triunfé, y fracase,

tuvi enrriba y enbaxu.

Rií y lloré,

siempre ensin un duruS

Y ame delles mozes.

Y emborracheme besos y abrazos.

  

Y permiti-yos que preñaren

los mios güeyos de llagrimes.

Golví a amales

y golvieron les llagrimes,

otres mozes,más entregues,

más borracheres de besos

y abrazos.

Y otra vez llagrimesS

 

Y alcordeme de Santa Teresa:

Hay más llagrimes derramáes

polos ruegos atendios

que polos que nun lo fueren

Y de Nacha Guevara:

Y la vida, a vegaes, premianos

poniéndonos los suaños

de penitenciaS

 

Agora, cola vieyera,

soi más cínicu que románticu,

perdí en intolerancia

lo que gané en picardiesS

 

Siempre fui yo mesmu:

llibre, utópicu, namoráuS

Pero dalgunes vegaes,

ente´l suañu,

veo al guh.e que un dia fui,

mírame contentu

 

Y, a so mandrecha,

al vieyu que un dia seré,

atacau la risa:

El condenáu burlase de mi

Apaicisti en detrás de to ma,

preguntevos onde yera la folixa.

to ma respondióme, tu azorrasti.

Pela nueche, dábamonos besos

como ensín xamás

naidie s´hubiere besáu.

 

Ya engolemonos al cielu

mientres San Llorenzu nos bendicía

coles sos llarimes,

ya´l branu cosiónos l´ún al otru

como si nos hubieremos

camudáu la piel

y nun pudieramos separanos d´ella

 

Nin la seronda nin l´iviernu

fueren a poner una migaya frescu

a daquel torríu branu.

Y llegó la primavera, ya golvió´l branu,

ya la seronda y l´iviernuS

 

Y suañamos ya riímos

felices, xuntos, faciendo planes

y suañamos un llar, y neños

ya ún d´esos suaños llamámos-y Illán.

 

Y ficimos el llar,

con una chimenea,

na que chisporroteaba la lleña

nes nueches cálides d´iviernu,

mientres bramaven les foles,

meciendo nuna dolce nana

los nuesos suaños,

la paz del neñu.

Esi yera´l mio llar suoñáu.

Nun yera la cá cola so chimenea,

nin les nanes seles del mar bravíu,

ensino la to cabecina

so la plácida almuhada,

xuntu a la del neñu.

 

Pero un díe, la seronda traxo´l frescu,

ya l´aire les castañes

aventó contra les muries

les fueyes los nos suaños,

dexando´l cielu preñáu

d´ún diluviu llarimes.

Y tres d´él, un iviernu gracial

de vientu, granizu y ñeve.

 

Eché-y a la chimenea

fasta l´últimu lleñu que tenía,

mientres tú tiritabes,

atarazada y silenciosa,

nuna esquina.

 

Y aquel iviernu llevóse´l llar.

Y la primavera dexónos nel so llugar

un parque gris,

nel que nun hai friu nin calor,

y nel que xugaba Illán,

mientres los sos hermanos tiritaben

nel limbo al qu´aquel´iviernu

se llevó´l llar.

El so pelo ye gracioso,

negro como´l tizón.

Los güeyinos chispeantes,

picarones.

La nariz, pizpireta

y revoltosa.

La sorrisa, cerrada

y descolgada

fasta´l suelu.

Imposible.

Y cuando los sos güeyos

me miren con esi brillu burlón;

y cuando la so boca mi regala

esa sorrisa de debuxos animaos,

fasta les fuercies m´abandonen

per un istante,

xustu enantes d´engolame al cielu,

colgáu na estrella mas brillante

de tol firmamentu

Llamábase Lluisa.

Yera llarga,

como un día ensin pan,

col pelo blanco-amariello,

amarráu siempre nun moñu.

Taba sorda.

Como una tapia.

Decín d´ella

que la griesca incivil

había dexáu na so alma

heríes qu´enxamas

se podríen pesllar:

el maríu, los sos fiyos,

hermanos, collaciosS

tol horror del xeneru humanu

cebábase nel so cuerpu menudu.

Na mio memoria

solu hai dolzora,

l´alcordanza la so ternura,

baxando d´aquellos cuezos

enllenos de castañes,

que ti daba

cola sorrisa amplia,

los gueyinos chispeantes,

al puntu la llagrimaS

Lluisa siempre foi mui discreta,

fasta pa morrer,

fuese en silenciu,

yo nun m´enteré,

pero siempre tará

na memoria la mio niñez.