como nací.

Nun ye que tenga

na qu´enseñar,

ye que nun tengo

na qu´esconder.

Vivo desnudu,

col corazón nun puñu,

ensin medir na,

cola cabeza ergía,

cola mio verdá

por bandera.

Vivo desnudu,

dando lo que soi,

ensin ocultar na,

siendo yo mesmu,

ensin pesllar nenguna puerta.

Vivo desnudu,

ensin escudu,

intuyendo corazones

atormentaos per

esti mundu.

Vivo desnudu.

corona espines

del cinismu d´un

mundu adormecíu

po la comodidá.

Vivo desnudu,

co la idea d´iguar,

dende lo pequeñu,

les desigualdaes

del mundu.

Vivo desnudu,

pa ser yo mesmu

nun mundu desnaturalizau,

pagau de si mesmu,

qu´iñora al restu.

Vivo desnudu,

pa no ser complice

de conxures maniquees,

de mentires disfrazaes,

de verdaes prostituies.

Vivo desnudu

pa poer amar

a tumba abierta

a daquien quiera

compartir un suañu.

Vivo desnudu

porque toavía amo

al xeneru humanu,

ensin saber bien

el porque.

hermana la tristura,

compañera fiel del amor propiu.

Cuantes veces compañía

mi ficisti, aún en sin

deseala

Cuantes nueches calentasti

la mio almohada,

inclusu en compañía

Cuantos díes acompañasti

los mios pasos,

camín de la na.

Nun pueo dexate,

porque yes parte

la mio alma;

Yes certeza nes

gores la duda,

faruta pa la mio gula;

Destinu intuiu

dende que los xuegos

dexaron pasu al pensamientu.

tol cuerpu arder,

como ensin fuere

yesca

Yera imaxinala y sentir

nos pantalones el Cañón

Les Piragues, enantes

dar la salía

Yera oyir la so voz

ya embriagame ternura.

Mirar los sos güeyos

ya inundame la dolzora.

Yera dir a vela

ya ponesemi´l corazón

A tocar los cuartos

la nuechivieya.

Yera tocame,

ya ponéseme los pelos

como escarpies.

Nun m´importaba

si aquello yera amor o non:

Solu quería vivilo,

ensin desmayu nin tregua.

Asina fasta morrir

n´aquel tayu.

los tos güeyos reflexaos

na pupíla los mios güeyos

Tristura pola ausencia

los tos besos nunca daos

na mio avariciosa boca

Tristura polos secretos

enxamás contaos

de la to alma atormentá

Tristura poles tos rises

nun compartíes

qu´allegraron otros güeyos

Tristura pola ternura

que nun-y regalasti

a quien ti la pedía

Tristura por l´agua clara

D´una fonte d´amor

llimpia y clara

que baxa sola

fasta pérdese nel mar

Quísila desesperadamente;

cola renuncia por bandera.

Cola desesperanza

por futuru,

cola entrega

por testamentu.

Con l´amor

como mensaxe;

cola xenerosidá

como exemplu.

Por ver si pues

facer feliz a dalguien

ensin camudalu

ya ensin batalles.

Ya poder pensar un díe

qu´esti monumentu

punxelu yo.

Con eso, tengo bastante

cola llingua,

nun se porqué

m´ispira tantu.

Nun me pasaba

col castellán.

Y nun se´l porqué

Por más que m´estrugo

nun fayo respuesta

Nun se si ye que

m´afayo conmigo mesmu

O qué.

Sé que mi pasa.

Y puntu.

Por daqué deber ser,

por dalgo ocurre

Enxamas foi nacionaliegu

nel sentíu insolidaríu

del conceutu.

Ódiolu.

Pero enxamás

renunciaré a les

mios raíces,

a la mio identidá.

Soi asturianu,

pa lo bono y pa lo malu,

pa lo meyor y lo pior:

nací equí.

reconózcolo.

Lo que nun entiendo

ye porque a les mios muses

yos gusta más qu´a mi.

Nun soi capaz

de rimar un versu,

fasta que tomo

un par de copes.

¡Qué pasa con elles?

¿Son acasu axentes de

Destileríes Dyc?

Nun lo entiendoS

El camareru dami

un whyski de 10 años,

al precíu del de siempre

¿Ta compinchau con elles?

¿Qué ye, que solu borrachu

se-yos apetezco?

¿o van decime que non?

Nun lo creo

Anque, a vegaes,

pienso que nun debe ser

perbona idea

l´andar provocándoles

Mañana, puedo tar

borrachu

Y pá encima qu´elles

m´abandonen

Los tos güelos,

los tos hermanos,

los collacios

Vánse toos.

Como ensin tuvieren

priesa por dalguna cosa

y nun acértares suponela

Vánse toos

y nun s´estruguen

el vacíu que te

dexen, lo solu

que te queas

Vánse.

Y déxente´l dolor,

l´ausencia,

la tristura

nel alma

Vánse ensin

dicítelo,

nin el porqué,

nin pa qué,

nin la priesa

Y aquí quedes,

ensin más, perplexu,

aterazau,

col fríu la muerte

Adivinando´l finu,

escuendiéndo´l tipu

pa hurtai la figura

a la parca

Evitando nes nueches

los caminos oscuros

pa no atopar el desfile

d´una Güestia

d´almes un díe queríes

Marchando,

apesadumbrau ya meditabundu,

pa la to cama,

entrugandote siempre:

¿Porqué la priesa?

pasa volando.

Embúrriate mientres

rimes cuatro versos

nuna barra un bar

cualquiera.

La vida nun ye ná,

acábase nel meyor

momentu, mientres

pienses a qué

vas dedicar to vida

La vida nun ye ná,

tírate pol barrancu

cuandu creíes que

meyor lo teníes

quiérote, respondíti.

Pero ¿Nun ves

que nun ye posible?²

¡Coño, escaecíu lo veo,

tochu nun soi! Te dixe.

³¿Entós?² Me dixísti.

¿Entós qué? Te dixe.

³¿Qué vamos facer? Dixíste.

Nun vamos facer na, te dixe

³¿Asina, ensin másS? Dixisti,

asina, en sin másS te dixe.

³¿Y dempués, qué?² Entrugasti,

en dempués, na, respondíti.

³Nun escaezco²

dixísti, ensin creélo

Nun te pido ná, fíya,

ná más que lo que tú

quieras dami,

lo que tu mi quieras

ofrecer.

³Ná más? Nun escaezco

dixísti.

Pues escaeci, fiya.

Nun quiero ná,

ensino la to amistá,

la to allegría

Solu quiero compartir

rises y llamentos,

allegríes y desencantos,

les coses de la vida

³¿Seguru que ná más?,

enturgasti incrédula.

Seguru, respondíti.

Quiero vete crecer

fasta onde tú pues facelo,

quiero punxar por ti

cuandu les fuercies

t´abandonen.

Quiero la to sinceridá

fasta l´últimu pensamientu,

quiero que seas tu mesma

con grandeza mires

Y pa tou eso

estorba´l sexu,

la posesión,

l´eguS

Nun ye que nun puea

suoñar colos tos besos,

nin con abrazos,

nin cola ternura sele

ya enllena pasión.

Nun ye que nun me puea

abandonar en brazos la luxuria

ya emborracháme de ti

fasta caer gandíu

de tantu amor.

Nun ye ná déso.

Ye que nun quiero

confundime nin confundite,

nun quiero perder lo imprescindible

polo apasionau

Por eso nun te pido ná

ya pídotelo tou,

nun t´engañes

Veóte grande, piquiñina;

más grande de lo que tú

nunca enxamás suoñasti.

Y quiero que llegues,

ná más

¿A camudu qué?

A camudu ná:

de la satisfación,

de la allegría

Del pensar que dexe

nel mundu semielles

d´otru meyor

del qu´alcontré.

¿paezti pocu? A mi, non